काठमाडौँ । साताको अन्तिम कारोबार दिन आज बजारमा सामान्य करेक्सन भएको छ ।
यो दिन बजार मापक नेप्से ३२.३९ अंकले घटेर २७६९.१३ बिन्दूमा झरेको हो ।

आज कारोबारमा आएका २२४ स्क्रिप्टहरुको ९८ लाख ६२ हजार ९४० कित्ता सेयर किनबेच हुँदा ६ अर्ब २७ करोड १८ लाख ६८ हजार बराबरको कारोबार भएको छ ।

त्यसैगरी यो दिन दुई कम्पनीको सेयर मूल्यमा सकरात्मक सर्किट लागेको छ । आज मानुषि लघुवित्त वित्तीय संस्था र तेह्रथुम पावर कम्पनीको सेयर मूल्यमा सकरात्मक सर्किट लागेको हो । सर्किट लागेसँगै मानुषिको सेयर मूल्य एक हजार चार सय पन्चानब्बे र तेह्रथुम पावर कम्पनीको सेयरमूल्य छ सय त्रिचालीस रुपैयाँ पुगेको छ ।

साथै यो दिन जम्मा २२ कम्मनिको सेयरमूल्य बढेको छ भने १६० कम्पनीको सेयरमूल्य घटेको छ । त्यसैगरी आज पाँच कम्पनीको सेयर मूल्य स्थिर रहेको हो ।