साताको अन्तिम कारोबारको दिन २७४८ अंकमा झर्यो शेयर बजार
वि.सं.२०८१ मंसिर १३ बिहीवार
काटठमाडौं । साताको अन्तिम कारोबार दिन नेप्से परिसूचक घटेर बन्द भएको छ।
आज नेप्से परिसूचक ८.३० अंक घटेर २७४८.०५ विन्दुमा झरेको छ।
नेप्सेसँगै यस दिन कारोबार रकम पनि घटेको छ। अघिल्लो दिन बुधबार ९ अर्ब ३१ करोडको कारोबार भएकोमा आज ८ अर्ब ५४ करोडको भएको छ ।
५० कम्पनीको मूल्य बढ्दा १९४ को घट्यो । व्यापार समूह ९.२५ प्रतिशत बढ्यो । विशाल बजार कम्पनीको मूल्य १० प्रतिशत बढ्दा व्यापार समूह ९ प्रतिशत बढेको हो ।
विकास बैंक सूचक १.०५ र जीवन बीमा ०.४७ प्रतिशत बढेको छ । बैंकिङ ०.८७, फाइनान्स ०.९७, होटल तथा पर्यटन ०.८०, हाइड्रोपावर १.५८, लगानी ०.८७, उत्पादन ०.८६, माइक्रोफाइनान्स ०.६२, निर्जीवन बीमा ०.५४ र अन्य समूह १.४१ प्रतिशत घटेको छ ।
प्रकाशित समय : १५:२४ बजे
