काठमाडौँ । नाडेप लघुवित्त वित्तीय संस्थाले संस्थाको छैठौँ साधारण सभा आगामी जेठ ७ गते शुक्रबारलाई आह्वान गरेको छ । कम्पनी सञ्चालक समितिको बैशाख १३ गते सोमबार बसेको बैठकले रानीबन पार्टी ल्यालेस एन्ड रेष्टुरेन्ट, नागार्जुन काठमाडौमा ७ गते शुक्रबार बिहान ११ बजे जुम मार्फत साधारण सभा बोलाउने निर्णय गरेको हो ।

लघुवित्तले डिप्रोक्स लघुवित्तसँग विलय प्रकृयामा जाने सम्झौता गरेसँगै गत आर्थिक वर्षबाट लगानीकर्तालाई लाभांश वितरण नगर्ने भएको छ ।
सभामा लघुवित्तको संस्थापक शेयर स्वामित्व ७० प्रतिशतबाट घटाएर ५१ प्रतिशतमा घटाउने तथा सर्वसाधारणतर्फ ३० प्रतिशतबाट बढाएर ४९ बनाउने प्रस्ताव राखिएको छ ।
यस्तै प्रबन्धपत्र तथा नियमावली संसोधनका लागि आवश्यक कार्य गर्न सञ्चालक समितिलाई अख्तियारी दिने, लेखापरिक्षक नियुक्ती र पारिश्रमिक निर्धारण लगायतको एजेण्डाहरु पनि सभामा रहेका छन् ।
मर्जर प्रकृया कारण लघुवित्तको शेयर कारोबार गत पुस १६ गतेदेखि रोक्का रहेकाले सोभन्दा अघिल्लो दिनसम्म शेयरधनी कायम रहेका लगानीकर्ताले साधारण सभामा भाग लिन सक्नेछन् ।

कर्पाेरेट बजार

प्रकाशित समय : ०४:५२ बजे