सशस्त्रको घुमुवा हुँ भन्दै बोर्डरमा असुली धन्दा गर्ने पूर्व सशस्त्र यादव पक्राउ
वि.सं.२०७८ जेठ ८ शनिवार
सिरहा। सिरहाको नेपाल भारत बोर्डरमा अवैद्य असुली गर्ने पूर्व सशस्त्र प्रहरी अर्जुन यादव पक्राउ परेका छन् ।
सिरहाको बोर्डरमा आफूलाई सशस्त्रको घुमुवा प्रहरी हो भन्दै स्थानीय व्यापारी तथा सर्वसाधारणहरुसँग अवैध असुली गर्ने पूर्व सशस्त्र यादवलाई इलाका प्रहरी कार्यालय लहानका डिएसपी डा.तपन दाहालको नेतृत्वले पक्राउ गरेको हो ।
यादवलाई लहान नगरालिकाको वडा नम्बर २० बरमाहनस्थितबाट इलाका प्रहरीले हिजो (शुक्रबार) पक्राउ गरेको छ । प्रहरीका अनुसार उनी यादव साँझ–बिहान सीमामा गएर असुली गर्थे । तस्करहरुसँग पनि साँठगाँठ रहेको प्रहरीले जनाएको छ ।
इलाका प्रहरीका अनुसार गत वर्ष नै यादव प्रहरीबाट विभागीय कारवाहीमा पटक-पटक परेपछि राजिनामाद्धारा पदमुक्त भएका थिए । उद्यपी उनले अझै पनि आफुलाई प्रहरी नै भएको दाबी गरिरहेका छन् । प्रहरीले यस सम्बन्धमा थप अनुसन्धान सुरु गरेको जनाएको छ ।
२०७८ जेठ ८ गते प्रकाशित
प्रकाशित समय : ११:३० बजे
