काठमाडौं । नेको इन्स्योरेन्स कम्पनीले शेयरधनीहरुलाई१६.३२ प्रतिशत लाभांश दिने जनाएको छ । कम्पनीको हिजो बसेको संचालक समितिको बैठकले आर्थिक वर्ष २०७६।२०७७ को मुनाफाबाट सोही लाभांश दिने प्रस्ताव गरेको हो ।

कम्पनिले चुक्ता पुँजीको १५.५ प्रतिशत बोनस शेयर र बोनस शेयरमा लाग्ने कर प्रयोजनका लागि ०.८२ प्रतिशत नगद लाभांश वितरण गर्ने प्रस्ताव गरेको एक सुचना जारी गरेर जानकारी दिएको छ ।
हाल कम्पनिको चुक्ता पूँजी एक अर्ब ३१ करोड रुपैयाँ रहेको छ । प्रस्तावित २० करोड ४२ लाख रुपैयाँको बोनस शेयर वितरणपछि एक अर्ब ५२ करोड रुपैयाँ चुक्ता पूँजी पुग्नेछ ।

प्रस्तावित लाभांश बीमा समितिको स्वीकृति पश्चात कम्पनीको आगामी वार्षिक साधारण सभाले पारित गरेपछि शेयरधनीले पाउने छन ।

२०७८ जेठ १० गते प्रकाशित