काठमाडौं । मानुषी लघुवित्तको चालु आर्थिक वर्षको पहिलो त्रैमासमा खुद नाफा २४ लाख २४ हजार रुपैयाँ नाफा आर्जन गरेको छ । गत आर्थिक बर्षको सोही अवधिमा लघुवित्तको खुद नाफा १३ लाख ५९ हजार रुपैयाँ घाटामा रहेको जनाएको छ ।

चालु आर्थिक बर्षको ३ महिनामा लघुवित्तको खुद ब्याज आम्दानी १९.६३ प्रतिशत बढेर २ करोड ४८ लाख ५६ हजार रुपैयाँ आर्जन गरेको छ । गत आर्थिक बर्षको साही अवधिमा लघुवित्तले २ करोड ७ लाख ७८ हजार रुपैयाँ खुद ब्याज आम्दानी गरेको थियो ।

असोज मसान्तसम्म लघुवित्तको फि कमिशनमार्फ आम्दानी १११.१४ प्रतिशत बढेर ८३ लाख ६१ हजार रुपैयाँ आर्जन गरेको छ । गत आर्थिक बर्षको सोही अवधिमा लघुवित्तको फि कमिशनमार्फ आम्दानी ३९ लाख ६० हजार रुपैयाँ आर्जन गरेको थियो ।

समिक्षा अवधिसम्म लघुवित्तको सञ्चालन नाफा ३९ लाख ३० हजार रुपैयाँ र कूल सञ्चालन नाफा ३ करोड ३७ लाख ९८ हजार रुपैयाँ रहेको छ ।

चालु आवको पहिलो त्रैमासमा लघुवित्तको चुक्ता पूँजी ५६.२५ प्रतिशत बढेर १० करोड ९३ लाख ७५ हजार रुपैयाँ, जगेडा कोष ५८.३२ प्रतिशत बढेर ४ करोड ३१ लाख ७१ हजार रुपैयाँ, निक्षेप संकलन १७.९७ प्रतिशत बढेर ६७ करोड ६२ लाख १० हजार रुपैयाँ र कर्जा लगानी ४२.९४ प्रतिशत बढेर १ अर्ब २० करोड ७४ लाख ७५ हजार रुपैयाँ पुगेको छ ।

समिक्षा अवधिमा लघुवित्तको प्रतिशेयर आम्दानी बढेर ८ रुपैयाँ ८६ पैसा पुगेको रहेको छ । लघुवित्तको प्रतिशेयर नेटवर्थ १३९ रुपैयाँ ४७ पैसा छ भने मूल्य आम्दानी अनुपात १७.३९ गुणा रहेको छ ।