५० लाख माथिको बालबालिका बीमा नगराउन निर्देशन
वि.सं.२०७८ वैशाख ८ बुधवार
काठमाडौँ – बीमा समितिले बालबालिका बीमा लेखमा सीमा तोकेको छ । समितिले जीवन बीमा कम्पनीहरुलाई आन्तरिक परिपत्र जारी गर्दै ५० लाख रुपैयाँभन्दा माथिको बीमा नगराउन निर्देशन दिएको हो ।
समितिले एक बर्षअघि कास्सी जिल्लामा बच्चाको बीमा गराएर हत्या गरी बीमा दावी गरेपछि सामाजिक विकृत आएको भन्दै बालबालिका बीमा रोक लगाएको थियो । जसको एक वर्षपछि समितिले मापदण्ड र बीमांक रकमको सीमा निर्धारण गरी फुकुवा गरेको हो ।
बीमाकै कारणले बालबालिकाको ज्यान जोखिममा पर्ने भयकाले सामाजिक विकृति आउन नदिन समितिले सो निर्णय लिएको समितिका कार्यकारी निर्देशक राजुरमण पौडेलले बताए ।
प्रकाशित समय : १२:५० बजे
