काठमाडौँ । आरएसडिसी लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको वित्तिय विवरण सार्वजनीक गरेको छव । समिक्षा अवधिमा लघुवित्तले अघिल्लो वर्षको तुलनामा १५.४५ प्रतिशतले नाफा बढाएको छ । लघुवित्तले गत आर्थिक वर्षको चौथो त्रैमासमा ९ करोड १० लाख रुपैयाँ नाफा आर्जन गरेको छभने अघिल्लो आर्थिक वर्षमा यस्तो नाफा रकम ७ करोड ८८ लाख रुपैयाँमात्र रहेको थियो ।

समीक्षा अवधिमा संस्थाको सञ्चालन मुनाफा १८.४७ प्रतिशतले बढेर १२ करोड ४५ लाख रुपैयाँ पुगेको छ। अघिल्लो वर्ष यस्तो मुनाफा १० करोड ५१ लाख रुपैयाँमा सीमित थियो।

यसैगरी संस्थाको खुद ब्याज आम्दानीमा पनि अघिल्ला वर्षको तुलनामा १५.४० प्रतिशतले वृद्धि भएको छ । समिक्षा अवधिमा संस्थाले १६ करोड ४० लाख रुपैयाँ खुद ब्याज आम्दानी गरेकोमा गत वर्षको समिक्षा अवधिमा १४ करोड २१ लाख रुपैयाँ आर्जन गरेको थियो ।

समीक्षा अवधिमा संस्थाले ३ अर्ब ७ करोड रुपैयाँ सापटी लिई ३ अर्ब ४९ करोड रुपैयाँ कर्जा परिचालन गरेको छ। अघिल्लो वर्ष २ अर्ब ६० करोड रुपैयाँ सापटी लिई २ अर्ब ८५ करोड रुपैयाँ कर्जा परिचालन गरेको थियो।

संस्थाको रिजर्भको आकार ४.६४ प्रतिशतले उकालो लागेको छ। अघिल्लो वर्ष १४ करोड ६६ लाख रुपैयाँ रहेको रिजर्भमा बढेर १५ करोड ३४ लाख रुपैयाँ पुगेको छ।

चुक्तापुँजी ७३ करोड १९ लाख रुपैयाँ रहेको संस्थाको वार्षिकीकरण प्रतिसेयर आम्दानी (ईपीएस) १२.४४ रुपैयाँ पुगेको छ। पीई रेसियो ६९.६८ गुणा रहेको संस्थाको प्रतिसेयर नेटवर्थ १२०.९६ रुपैयाँ रहेको छ।

२०७८ साउन १८ गते प्रकाशित