काठमाडौँ । पछिल्लो २४ घण्टामा संक्रमण हुने र निको हुनेको अन्तर मात्रै १३२ रहेको छ । सनिबार निको हुनेको संख्या भन्दा मात्रै १३२ जना बढी संक्रमित भएका हुन् । अर्थात, ८८४८ जना कोरोना संक्रमणमुक्त हुँदा ८९८० जनामा संक्रमण पुष्टि भएको हो । यो सँगै नेपालमा निको हुनेको संख्या ३ लाख ८३ हजार ६८४ पुगेको छ ।

यस्तै पीसीआर विधिबाट गरिएको १९ हजार ३५७ परीक्षणमा २४ घण्टामा ८ हजार ५९१ जनामा संक्रमण पुष्टि भएको स्वास्थ्य मन्त्रालयले जनाएको हो । मन्त्रालयका अनुसार एन्टिजेन विधिबाट गरिएको ७४८ परीक्षणमा ३८९ जनामा पोजिटिभ देखिएको छ ।

हालसम्म कोरोना संक्रमितको संख्या ५ लाख ५६ हजार ६४३ पुगेको छ । सक्रिय संक्रमितको संख्या १ लाख १५ हजार ८०६ पुगेको छ भने क्वारेन्टाइनमा ८६६ जना रहेको मन्त्रालयले जनाएको छ ।

हालसम्म पीसीआर परीक्षण २८ लाख ९७ हजार ५०३ भएको मन्त्रालयको तथ्यांकमा उल्लेख छ । यस्तै यो दिन १२९ जनाको संक्रमणबाट मृत्यु भएको पुष्टि भएको छ ।

२०७८ जेठ ८ गते प्रकाशित