काठमाडौँ । नेरुडे लघुवित्त वित्तीय संस्था लिमिटेडले वार्षिक साधारण सभा आह्वान गरेको छ । लघुवित्तले आफ्नो १५ औँ वार्षिक साधारणसभा पुस १० गतेको लागि आह्वान गरेको छ ।

संस्थाको सञ्चालक समितिको गत शनिबार बसेको बैठकले सभा आयोजना गरेको हो ।
सभाले गत आर्थिक वर्षका लागि प्रस्तावित चुक्तापुँजीको कुल २२.६१८५ प्रतिशत लाभांश पारित गर्नेछ।

जसमा २१.४८७६ प्रतिशत बोनस सेयर र कर प्रयोजनार्थ १.१३०९ प्रतिशत नगद लाभांश रहेका छन्। संस्थाको हालको चुक्तापुँजी ४९ करोड ३८ लाख ७७ हजार ५७४ रुपैयाँ रहेको छ।

लाभांश र सभा प्रयोजनका लागि संस्थाले मंसिर २६ गतेदेखि पुस १० गतेसम्म बुक क्लोज गर्ने निर्णय गरेको छ। यसको अर्थ मंसिर २३ गते (मंसिर २४ गते शुक्रबार र मंसिर २५ गते शनिबार) सम्म कायम सेयरधनीहरुमात्रै यो लघुवित्त लाभांश पाउन र सभामा भाग लिन योग्य हुनेछन्।