काठमाडौँ । लामो समयदेखि थलिएको शिक्षा क्षेत्रलाई कसरी उकास्ने भन्ने विषयमा छलफल गर्न आज (असोज ९ गते) काठमाडौँ उपत्यकामा प्रध्यानाध्यापक तथा शिक्षहरु भेला भएका छन् । राष्ट्रिय निजी तथा आवसिय विद्यालय एसोसियसन नेपालको आयोजनामा बुढानिलकण्ठको पार्क भिलेजमा काठमाडौँ उपत्यका लगायत उपस्थित हुन अनुकुल हुने प्रध्यानाध्यापक तथा शिक्षकहरुबीच छलफल भएको हो ।

सरकारले लकडाउन खुकुलु बनाएसँगै एन प्याब्सनले विद्यालयहरुको आग्रह तथा स्वत रुपमा विद्यालयका पिरमार्का बुझेर काठमाडौँको १ महानगरपालिका र ११ वटा नगरपालिकाका स्थानीय समितीहरुका पदाधिकारीसँग छलफल गरेको हो ।

छलफलमा जुटेको शिक्षकहरको जमातले काठमाडौँका स्थानीय तहहरुले गरेको भौतिक रुपमा विद्यालय खोल्ने निर्णयलाई अर्थपूर्ण रहेको भन्दै स्वास्थ्य मापदण्डलाई विषेश निगारानिमा राखेर विद्यालय सञ्चालन निर्णय गरेको हो ।

कोरोना प्रकोपका कारण लामो समय सम्म बन्द रहेका विद्यालयहरुले भोगेका समस्या र भावी योजनाहरुका वारेमा छलफल हुनुका साथै ११ स्थानीय पालिका समितीका गतिविधिको समिक्षा र वार्षिक योजना निर्माणका वारेमा छलफल गरी अब समस्याहरुसँग जुध्दै अगाडी बढ्ने निष्कर्ष निकालेको हो ।

२०७८ असोज ९ गते प्रकाशित