श्रेष्ठको आगमनसँगै ३९ अंकले बढ्यो शेयर बजार
वि.सं.२०८१ मंसिर १२ बुधवार
काठमाडौं । कारोबार हुने साताको चौथौ दिन बुधबार नेप्से परिसूचक बढेर बन्द भएको छ।
नेपाल स्टक एक्सचेञ्ज (नेप्से) नेप्से ३९।७० अंकले बढेर २७५५.४७ बिन्दुमा कायम भएको छ ।
नेपाल धितोपत्र बोर्डको अध्यक्षमा सन्तोष नारायण श्रेष्ठ नियुक्त भएपछि शेयर बजारले सुधारको संकेत देखाएको छ । दुई कारोबार दिनमै बजारमा सकारात्मक वातावरण बनेको छ भने कारोबार रकम पनि उल्लेखनीय रूपमा बढेको छ ।
नेप्सेसँगै यस दिन कारोबार रकम पनि बढेको छ। आज ३१६ कम्पनीको १ करोड ७१ लाख ८३ हजार ८५४ कित्ता शेयर किनबेच हुँदा ९ अर्ब ३१ करोड २९ लाख ३४ हजार रुपैयाँको शेयर कारोबार भएको छ ।
१३ उपसमूहमध्ये यस दिन १२ उपसमूहको परिसूचक बढेको छ भने एक उपसमूहको परिसूचक घटेको छ।
आज फाइनान्स समूहको शेयर भने ०.४७ प्रतिशतले घटेको छ । बुधबार बैंकिङ समूहको ०.३२ प्रतिशत, विकास बैंक समूहको ३.१८ प्रतिशतले शेयर मूल्य बढेको छ ।
आज १९९ कम्पनीको शेयर मूल्य बढ्दा ४० कम्पनीको घटेको छ ।
प्रकाशित समय : १५:१९ बजे
