काठमाडौं । सूर्यज्योति लाइफ इन्सुरेन्सले ३ लाख २० हजार २१४ कित्ता संस्थापक शेयर बिक्रीमा ल्याएको छ ।

संस्थापक शेयरधनी नन्द किशोर शर्माको नाममा रहेको शेयर कम्पनीले बिक्रीमा ल्याएको हो । बिक्रीमा आएको शेयरमा कम्पनीका विद्यमान अन्य संस्थापक शेयरधनीले आवेदन दिन सक्नेछन् ।

तोकिएको समयमा संस्थापक शेयरधनीबाट शेयर खरीद गर्न निवेदन नआएमा प्रचलित कानुन बमोजिम अन्य लगानीकर्तालाई शेयर बिक्री गर्ने कम्पनीले जनाएको छ ।

शेयर खरिद गर्न इच्छुक संस्थापक शेयरधनीले आज बाट ३५ दिनभित्र कम्पनीको शेयर रजिष्ट्रार एनआइसी एसिया क्यापिटल, थापाथली काठमाडौंमा के कति शेयर खरिद गर्ने सोको व्यहोरा खुलाई शिलबन्दी निवेदन पेश गर्नुपर्नेछ ।