कामना सेवा विकास बैंकको १४ हजारभन्दा बढी कित्ता संस्थापक शेयर लिलामीमा
वि.सं.२०७८ फागुन १४ शनिवार
काठमाडौं । कामना सेवा विकास बैंकको १४ हजार १२ कित्ता संस्थापक शेयर फागुन १३ गतेदेखि विक्रीमा आएको छ ।
कम्पनीले दिपकलाल बाटाजुको नाममा रहेको उक्त शेयर विद्यमान संस्थापक शेयरधनीहरुले मात्र खरिद गर्न पाउने गरी विक्रीमा ल्याएको हो ।
यो शेयर खरिद गर्न इच्छुक विद्यमान संस्थापक शेयरधनीहरुले आगामी ३५ दिनभित्र कम्पनीको केन्द्रिय कार्यालय ज्ञानेश्वर, काठमाडौंमा निवेदन पेश गर्नुपर्नेछ ।
तोकिएको अवधिभित्र विद्यमान संस्थापक शेयरधनीहरुबाट आवेदन प्राप्त नभएमा भने प्रचलित कानुन बमोजिम अन्य व्यक्ति तथा संस्थाहरुमा यो शेयर विक्री गरिने जानकारी कम्पनीले दिएको छ ।
प्रकाशित समय : २०:०६ बजे
