साताको अन्तिम दिन दोहोरो अंकले घट्यो नेप्से, कारोबार रकम वृद्धि
वि.सं.२०७८ फागुन १२ बिहीवार
काठमाडौं । सेयर कारोबार साताको अन्तिम दिन आज बिहिबार नेप्से परिसूचक दोहोरो अंकले ओरालो लागेको छ । नेप्से ५८.९९ अंकले ओरालो लाग्दा कारोबार रकम भने बढेको छ । २६ सय ६१ दशमलव ४४ विन्दुमा बन्द हुदाँ ४ अर्ब २९ करोड बराबरको सेयर कारोबार भयो ।
यसैगरी सेन्सेटिभ इण्डेक्स पनि दोहोरो अंकले घटेको छ । सेन्सेटिभ इण्डेक्स १०.३६ अंकले घटेर ५०७.५८ पुगेको छ । २२९ कम्पनीको ८४ लाख ९० हजार ६८९ कित्ता सेयर ४ अर्ब २९ करोड ३८ लाख ६४ हजार १९२ रकमको कारोबार भएको हो ।
बुधबार भने ३ अर्ब १३ करोड १२ लाख १० हजार २८२ रुपैयाँमा खरिदबिक्री भएको थियो । यसदिन कारोबारमा आएका १३ वटा समुहको सूचक घटेको छ ।
प्रकाशित समय : १५:४९ बजे
