काठमाडौं । मंसिर ४ गते सम्पन्न भएको आम निर्वाचन अन्तर्गत समानुपातिक तर्फको जारी मतगणनामा नेपाली कांग्रेसले २६ लाख मत कटाएको छ ।

निर्वाचन आयोगकोे पछिल्लो अद्यावधिक तथ्यांक अनुसार पहिलो रहेको नेकपा (एमाले)ले २७ लाख ३० हजार ३२३ मत ल्याउँदा कांग्रेसले २६ लाख ९५१ मत ल्याएर दलीय हिसाबमा दोश्रो स्थान बनाएको हो ।

तेश्रो स्थानमा रहेको नेकपा (माओवादी केन्द्र)ले हहासम्म ११ लाख ५४ हजार ९७७ मत ल्याएको छ भने चौथो शक्तिमा रहेको राष्ट्रिय स्वतन्त्र पार्टीले ११ लाख ७ हजार ३९ मत ल्याएको छ ।

त्यस्तै पाँचौं शक्ति राष्ट्रिय प्रजातन्त्र पार्टीले ५ लाख ८१ हजार २२ मत पाएको छ ।

छैटौं शक्ति बनेको जनता समाजवादी पार्टीले हालसम्म ४ लाख १६ हजार १७७ मत ल्याउँदा सातौं स्थानमा रहेको जनमत पार्टीले ३ लाख ८६ हजार ८५ मत पाएको छ ।

३ प्रतिशतको थ्रेसहोल्ड कटाउने हुटहुटीमा रहेको नेकपा (एकिकृत समाजवादी)ले हालसम्म २ लाख ९२ हजार ५९८ मत ल्याएको छ ।