काठमाडौं । नेप्से परिसूचक सामान्य अंक घटेर बन्द भएको छ। आज नेपाल स्टक एक्सचेञ्ज ५.६० अकंले घटेर २६२८२६ बिन्दुमा रोकिएको छ ।

आज ३१४ कम्पनीको ८१ लाख ४७ हजार ३२० कित्ता शेयर किनबेच हुँदा ४ अर्ब २७ करोडको शेयर कारोबार भएको छ ।

नेप्सेसँगै आज कारोबार रकम पनि घटेको छ। अघिल्लो कारोबार दिन ४ अर्ब ३४ करोडको शेयर खरिदबिक्री भएको बजारमा आज ४ अर्ब २७ करोड ८२ हजार रुपैयाँबराबरको ८१ लाख ४७ हजार कित्ता शेयर खरिदबिक्री भएको छ।

आज दुई कम्पनीको शेयरमा सकारात्मक सर्किट लागेको छ । यसदिन उपकार लघुवित्त र सपोर्ट माइक्रोफाइनान्सको शेयरमा सर्किट लागेको हो ।

त्यसैगरी, आज मानुषी लघुवित्त वित्तीय संस्था र सिक्लेस हाइड्रोपावरको शेयरमूल्य ८ प्रतिशतभन्दा बढी बढेको छ । चिरख्वा हाइड्रोपावरको शेयरमूल्य साढे ७ प्रतिशतभन्दा बढी बढेको छ। यस दिन कुथेली बुखरी स्मल हाइड्रोपावरको शेयरमूल्य सर्वाधिक ९.९० प्रतिशत घटेको छ।

कारोबार रकमका आधारमा यस दिन जानकी फाइनान्स शीर्ष स्थानमा रहेको छ। सो फाइनान्सको यस दिन १५ करोड ५९ लाख रुपैयाँबराबरको शेयर कारोबार भएको छ। त्यस्तै, यस दिन रिभर फल्स पावरको १२ करोडभन्दा बढीको शेयर किनबेच भएको छ भने एनआरएन इन्फ्रास्ट्रक्चर एण्ड डेभलपमेन्टको कारोबार रकम साढे ११ करोड नाघेको छ।

१३ उपसमूहमध्ये यस दिन ३ उपसमूहको परिसूचक बढेको छ भने १० उपसमूहको परिसूचक घटेको छ।