देशभर ८८५० जनामा संक्रमण पुष्टि, लगभग ५० प्रतिशत उपत्यकामा मात्रै भेटिए
वि.सं.२०७८ वैशाख २६ आइतवार
२६ वैशाख, काठमाडौं–पछिल्लो २४ घण्टामा देशभर आठ हजार ८५० जनामा कोरोना संक्रमण पुष्टि भएको । भने, त्यसको लगभग ५० प्रतिशत संक्रमित काठमाडौं उपत्यकामा मात्रै भेटिएका हुन् । काठमाडौँ उपत्यकामा ४ हजार १९८ जना कोरोनाका संक्रमित भेटिएका हुन् । जुन संक्रमितको संख्या आज भेटिएका संक्रमितको ४७ दशमलव ४४ हो । पछिल्लो २४ घण्टामा १९ हजार ३९३ वटा स्वाब नमुनाको परीक्षण गर्दा देशभर आठ हजार ८५० जनामा संक्रमण देखिएको स्वास्थ्य मन्त्रालयले जनाएको हो ।
काठमाडौँमा ३ हजार १ सय ६१, ललितपुरमा ५३३ र भक्तपुरमा ५०४ संक्रमित थपिएका हुन् ।
देशमा पछिल्लो २४ घण्टामा कोरोनाका कारण ५२ जनाको मृत्यु पुष्टि भएको छ । यस्तै, पछिल्लो २४ घण्टामा चार हजार २२ जना डिस्चार्ज भएका स्वास्थ्य तथा जनसंख्या मन्त्रालयले आइतबार जनाएको छ ।
प्रकाशित समय : ११:२१ बजे
