काठमाडौँ । डिसहोमको प्राथमिक सेयर ‘बूक विल्डिङ’ बिधिबाट निष्काशन गर्ने निर्णय भएको छ । सञ्चालक समितिमा प्राथमिक शेयर निश्काशन गर्दा ‘बूक बिल्डिङ’ बिधिबाट मूल्यनिर्धारण गरिने सहमति जुटेको कम्पनीले जनाएको हो ।

कम्पनीको आईपीओ गत आर्थिक वर्षमा नै निष्काशन गर्ने भनेपनि बूकबिल्डिङमार्फत् अघि बढ्ने गरी तयारी थालेकोले प्रक्रिया बीचैमा रोकिएको थियो ।
डिसहोम मिडिया नेटवर्कले एक वर्ष अघि अर्थात् ३० असार २०७७ मै धितोपत्र बोर्डमा आईपीओ निष्काशनका लागि निवेदन दिएको थियो ।

सोही वर्षको १९ असोजमा बोर्डले आवस्यक कागजात पठाउन पत्राचार गरेको थियो तर डीटीएच टेलिभिजनपछि फाइबर इण्टरनेटको सेवा विस्तारमा लागेपछि डिसहोमले तत्कालै प्राथमिक शेयर निष्काशन (आइपीओ) नगरेर महँगो मूल्यमा शेयर बेच्ने योजना अघि सारेकोले अहिलेसम्म बोर्डलाई जवाफ र्फकाएको छैन । सञ्चित कोष बढाएर ‘बूक बिल्डिङ’ मार्फत सेयर निष्काशन गर्ने डिस मिडिया नेटवर्ककका प्रबन्ध निर्देशक सुदीप आचार्यले बताए ।
२०७८ साउन २७ गते प्रकाशित

कर्पाेरेट बजार

प्रकाशित समय : ०५:२७ बजे