काठमाडौँ । समीट लघुवित्त वित्तीय संस्थाले २५ प्रतिशत बोनस सेयर वितरणको घोषणा गरेको छ । कम्पनीले चालु आर्थिक वर्ष २०७७७८ को नाफाबाट सेयरधनीलाई चुक्ता पुँजीको २५.२८५ प्रतिशत बोनस सेयर वितरण गर्ने घोषणा गरेको हो ।

मंसिर १३ गते बसेको संस्थाको सञ्चालक समितिको बैठकले उक्त प्रस्ताव गरेको हो । संस्थाले नगद लाभांश प्रस्ताव भने गरेको छैन । हालै सजिलो लघुवित्त र समीट लघुवित्त वित्तीय संस्था मर्ज भई गत २०७७ असोज ६ गतेदेखि एकीकृत कारोबार शुरु भएकोले उक्त प्रस्तावित लाभांशमा लाग्ने लाभांश करको व्यवस्था नगरिएको संस्थाले जानकारी गराएको छ ।

हाल संस्थाको चुक्ता पुँजी ३९ करोड ४३ लाख रुपैयाँ छ । प्रस्तावित बोनस सेयर पश्चात संस्थाको चुक्ता पुँजी ४९ करोड रुपैयाँ नाघ्ने छ ।

कर्पाेरेट बजार

प्रकाशित समय : १२:०८ बजे