काठमाडौं। शिवम् सिमेन्ट्स लिमिटेडले नवौं वार्षिक साधारण सभा सम्पन्न गरेको छ।

कम्पनीकोे राष्ट्रिय सभा गृह, प्रदर्शनीमार्ग, काठमाडौंमा आयोजित सभाले आर्थिक वर्ष २०८०/०८१ का लागि संचालक समितिले प्रस्ताव गरेका विभिन्न सामान्य तथा विशेष प्रस्तावहरू पारित गरेको हो।

सभामा कम्पनीका अध्यक्ष गौरव गोयलले अध्यक्षता गरेका थिए। सभाले आव २०७९/०८० का लागि कम्पनीको प्रगति प्रतिवेदन, लेखापरीक्षकको प्रतिवेदनसहितका आर्थिक विवरणहरू पारित गरेको छ। त्यस्तै, आगामी आ.व. २०८१/०८२ का लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्ताव पनि पारित भएको छ।

कम्पनीको चुक्ता पूंजी ५ अर्ब २ करोड ७० लाखको ८.५५ प्रतिशत बोनस शेयर र ०.४५ प्रतिशत नगद लाभांश वितरण गर्ने प्रस्ताव पनि अनुमोदन गरेको छ। बोनस शेयर वितरणपछि कम्पनीको चुक्ता पूंजी ५ अर्ब ४५ करोड ६८ लाख ८ हजार ५ सय पुग्नेछ।

कम्पनीले वार्षिक साधारण सभामार्फत शेयरधनीलाई वितरण गरिने लाभांशसहित कम्पनीको वार्षिक प्रगति र भावी योजनाहरू प्रस्तुत गर्दै कम्पनीको दिगो विकास र वित्तीय स्थितिमा निरन्तर सुधार ल्याउने प्रतिवद्धता व्यक्त गरेको छ।