काठमाडौँ । सिटिजन्स बैंक इन्टरनेशनल लिमिटेडको गत आर्थिक वर्षको चौथो त्रैमासमा नाफामा उछाल आएको छ । बैंकको खुद नाफामा ३३.४० प्रतिशतले बढेर १ अर्ब ५९ करोड ८७ लाख ९३ हजार रुपैयाँ आर्जन गरेको छ ।

अघिल्लो आर्थिक बर्षको सोही अवधिमा बैंकले १ अर्ब १९ करोड ८५ लाख ४ हजार रुपैयाँ खुद नाफा आर्जन गरेको थियो ।

त्यस्तै, बैंकको गत आवको चौथो त्रैमासमा खुद ब्याज आम्दानी २५.०८ प्रतिशतले बढेर ३ अर्ब ६० करोड ८१ लाख ४९ हजार रुपैयाँ आर्जन गरेको छ । अघिल्लो आवको सोही अवधिमा २ अर्ब ८८ करोड ४७ लाख ५३ हजार रुपैयाँ आर्जन गरेको थियो ।

ग्त आर्थिक बर्षको असार मसान्तसम्म बैंकको सञ्चालन मुनाफा ४३।६६ प्रतिशत बढेर २ अर्ब १५ करोड ३५ लाख २३ हजार रुपैयाँ रहको छ । अघिल्लो आवको सोही अवधिमा बैंकको सञ्चालन मुनाफा १ अर्ब ४९ करोड ९० लाख २३ हजार रुपैयाँ रहेको थियो ।

समिक्षा अवधिमा बैंकको चुक्ता पूँजी ३८.३६ प्रतिशत बढेर १२ अर्ब ५७ करोड ६९ लाख २३ हजार रुपैयाँ, जगेडा कोष ४०.९२ प्रतिशत बढेर ६ अर्ब ९ करोड ८९ लाख ९६ हजार रुपैयाँ, निक्षेप संकलन ५८.९२ प्रतिशत बढेर १ खर्ब ४० अर्ब ६२ करोड ८४ लाख ८१ हजार रुपैयाँ र कर्जा ५०.१३ प्रतिशत बढेर १ खर्ब १८ अर्ब ५७ करोड ८ लाख ७७ हजार रुपैयाँ रहेको छ । अघिल्लो आर्थिक बर्षको सोही अवधिमा बैंकको चुक्ता पूँजी ९ अर्ब ८ करोड ९८ लाख १७ हजार रुपैयाँ, जगेडा कोष ४ अर्ब ३२ लाख ७९ हजार रुपैयाँ, निक्षेप संकलन ८८ अर्ब ४९ करोड ६२ लाख २८ हजार रुपैयाँ र कर्जा ७८ अर्ब ९७ करोड ६३ लाख ९५ हजार रुपैयाँ रहेको थियो ।

यस अवधिमा बैंकको वितरण योग्य मुनाफा ९१.५७ प्रतिशतले बढेर १ अर्ब ५७ करोड ८५ लाख रुपैयाँ पुगेको छ । अघिल्लो आर्थिक वर्षको सोही अवधिमा ८२ करोड ३९ लाख ९९ हजार रुपैयाँ रहेको थियो ।

बैंकको प्रतिशेयर आम्दानी समीक्षा अवधिमा १ रुपैयाँ ५० पैसा बढेर १५ रुपेयाँ ३८ पैसा पुगेको छ । बैंकको मूल्य आम्दानी अनुपातथ २५.१ गुणा रहेको छ भने प्रतिशेयर नेटवर्थ १४८ रुपैयाँ ४९ पैसा रहेको छ ।

मर्जरमा आक्रामक रुपमा लागेको सिटिजन्स इन्टरनेशनल बैंकले हालसम्म विभिन्न ६ संस्थालाई गाभिसकेको छ । मर्जरमा आक्रामक बनेको बैंकको वित्तिय अवस्था लोभ लाग्दो देखिन्छ । गत असार २७ गते सिर्जना फाइनान्सलाई प्राप्ति गरि एकिकृत कारोबार शुरु गरेको थियो । बैंकले गत आवको चौथो त्रैमासको वित्तीय विवरण सार्वजनिक गरेअुनसार सबै सूचकमा अब्बल देखिएको छ ।

२०७८ साउन १५ गते प्रकाशित