काठमाडौँ । पछिल्लो समय नेपाली सेयर बजारमा लगानीकर्ताको उत्साहजनक उपस्थिति देखिएको छ । निषेधाज्ञाका बाबजुत पनि नेपाली सेयर बजारले पछिल्ला दिनहरुमा नयाँ नयाँ रेकर्ड कायम राख्न सफल भएको हो ।

आज साताको दोस्रो कारोबार दिन नेप्सेले २८५१ को बिन्दूमा नयाँ रेकर्ड कायम राखेर फकिएको छ । दिन भरको कारोबार पश्चात नेप्से अन्त्यमा ३.०५ अंकले बढेर २८२३.०५ को बिन्दूमा कायम भएको छ ।

आज दिनभर कारोबारमा आएका २१६ कम्पनीको २ करोड ७१ लाख ४० हजार २०२ कित्ता सेयर किनबेच हुँदा १३ अर्ब १७ करोड ५३ लाख १८ हजार बराबरको कारोबार भएको हो ।
यो दिन बरुण हाईड्रो पावर, युनाइटेड इदि मर्दि, माउन्टेन हाईड्र र ग्रीन डेभलपमेण्ट बैंकका लगानीकर्ताले सबैभन्दा बढी अर्थात ९ प्रतिशत बढीले कमाएका छन् ।

यता १२ वटा समूहको उपसूचमा जम्मा पाँचओटा मात्रै समूहको उपसूचक बढेको छ ।

२०७८ जेठ १० गते प्रकाशित