काठमाडौँ । नाडा अटोमोबाइल्स एशोसियसनको आगामी अध्यक्षका लागि ध्रब्र थापाको समूहले ‘अब बनाउनु छ नाडा, सबै अटोमोबिल्स व्यवसायीको साझा” भन्ने नाराका साथ उम्मेद्धारी घोषणा गरेको छ । फोर्स मोटरको नेपालको आधिकारिक बिक्रेता तथा हिमालय अर्गनाइजेसनका अध्यक्ष धुब्र थापाको समूहले राजधानिमा पत्रकार सम्मेलन गर्दै उम्मेद्धारी घोषणा गरेको हो ।
अध्यक्षका लागि दाबी गर्ने थापासँग अटोमोवाइल क्षेत्रमा ३ दशक लामो अनुभव रहेको छ ।

अध्यक्ष थापाका अनुसार उनले तीन लाख रूपैयाँ लगानी गरी मोटरसाइकल रिकन्डिसन सेन्टरबाट व्यवसाय विस्तार गर्न सुरु गरेका थिए । कडा मेहनत र परिश्रमको प्रतिफल ग्रहण गर्दै जाँदा उनी पश्चिमाश्चल अटोमोवाइल डिलर्स एशोसिएसनको अध्यक्ष हुँदै नाडाको केन्द्रीय समितिमा पुग्न सफल भएको छन् । उनले अघिल्लो कार्यकालका लागि पनि अध्यक्षमा उम्मेद्वारी तयारी गरेका थिए । तर, अहिलेका अध्यक्ष कृष्णप्रसाद दुलालले अर्को पटकको अध्यक्षका लागि सहयोग गर्ने प्रतिवद्धता जनाएपछि व्याक भएसँगै अहिले पुनः अध्यक्ष पदको दाबी गरेका हुन् ।

हिमालयन अर्गनाइजेसनमार्फत १५ वटा भन्दा बढी कम्पनीहरुको नेतृत्व गर्दै आएका छन् । हिमालयन अर्गनाइजेसन एक विभिन्न कम्पनीहरुको छाता संस्था हो जसमा घरजग्गा, होटल,हस्पिटालिटी, अटोमोबाइल्स, इञ्जिनियरिङ क्षेत्रका धेरै कम्नीहरु छन् ।
यसो त थापाको समूहबाट उम्मेद्धारी दिएका अन्य उम्मेद्धार पदाधिकारीहरु थापासँग सानो देखि ठूलो र अटो क्षेत्रका हरेक विद्यामा अनुभवि भएका कारण साथ दिएको घोषणा कार्यक्रममा बताएका छन् ।

सदस्यमा आकाश गोल्छा, दिपेन्द्र कुँवर, कपिल शिवाकोटी, निराकर श्रेष्ठ, नारायणप्रसाद पौडेल, प्रतिमान श्रेष्ठ, प्रकाश सिग्देल, रिद्धी कार्की, सुभास थपलिया, संजय खेतन, अमर रञ्जित, नवराज भूसाल, सगुन कङ्साकार र विएन पाठकलगायतले उम्मेद्वारी घोषणा गरेका छन् ।

नाडा अटोमोबाइल्स एशोसिएशन अफ नेपालको अघिवेशन मंसीर २२ र २३ गते काठमाडौमा हुँदै छ । त्यस्तै यस अघि नै करण चौधरीको अर्को समुहले पनि यस अघि नै उमेरद्धावारी घोषणा गरिसकेको छ ।