राष्ट्र बैंकद्धारा घरजग्गा मूल्य सूचकाङ्क प्रतिवेदन सार्वजनिक
वि.सं.२०७८ मंसिर ३ शुक्रवार
काठमाडौँ। नेपाल राष्ट्र बैंकले घरजग्गा मूल्य सूचकाङ्क प्रतिवेदन सार्वजनिक गरेको छ । राष्ट्र बैंकले एक कार्यक्रमको आयोजना गर्दै पहिलो पटक उक्त प्रतिवेदन सार्वजनिक गरेको हो ।
घरजग्गाको मूल्यमा भइरहने उतारचढाव मापन गर्न राष्ट्र बैंकले हरेक तीन महिनामा नयाँ मूल्य सूचकाङ्क सार्वजनिक गर्ने गर्ने गरी सूचकांक निर्माण गरेको हो ।
राष्ट्र बैंकले घरजग्गा सूचकांक निर्माणका लागि नीतिगत व्यवस्था तथा विधि प्रक्रिया तय गरेको हो । उक्त विधि प्रक्रिया अनुसार राष्ट्र बैंकले पहिलो पटक घरजग्गा मूल्य सर्वेक्षण सार्वजनिक गरेको हो । घरजग्गाको मूल्यमा आएको उतारचढाव र त्यसले अर्थतन्त्रमा पारेको प्रभाव मूल्यांकन गर्न सूचकांक तयार पारेको हो । यसरी प्राप्त हुने घरजम्गा मूल्य सूचाङ्क त्रैमासिक रुपमा नियमित प्रकाशन गरिने राष्ट्र बैंकले जनाएको छ । सार्वजनिक कार्यक्रममा प्रमुख अथिति नेपाल राष्ट्र बैंकका गभर्नर महाप्रसाद अधिकारी रहेका थिए ।
घरजग्गा मूल्य सूचकाङ्क निर्माण लागि आवश्यक तथ्याङ्क तथा सूचना एवम् सोको पहिचान गर्ने, नेपालको सन्दर्भमा उपयुक्त विधि निक्र्यौल गर्ने र घरजग्गा मूल्य सूचकाङ्क निर्माण गर्ने यसका उद्देश्य रहेका छन् ।
आर्थिक अनुसन्धान विभाग हेर्ने डेपुटी गभर्नरको संयोजकत्वमा ५ सदस्यीय “उच्चस्तरीय निर्देशन समिति” तथा प्राविधिक सल्लाह दिन अनुसन्धान विभागका मूल्य डिभिजन हेर्ने निर्देशकको संयोजकत्वमा ५ सदस्यीय “प्राविधिक उप–समिति” गठन गरिने छ ।
सार्वजनिक गरिएको उक्त प्रतिवेदनमा देशभरका मालपोत कार्यालयहरुमा आर्थिक बर्ष २०७४–७५ मा घरजग्गा रजिष्ट्रेशन पारित भएको कूल कारोबार संस्ख्या ५ लाख ५७ हजार ७३२(घरजग्गा तथा घर निर्माण नभएकोसमेत) मानी घरजग्गा मूल्य सर्वेक्षण सञ्चालन गरिएको छ ।
प्रकाशित समय : १६:४४ बजे
