२३ वैशाख, चितवन–चितवनको माडीमा एकजना कोरोना संक्रमित युवकले झुण्डिएर आत्महत्या गरेका छन् । घरमै आईसोलेसनमा बसेका माडी नगरपालिका वडा नं. ३ बगैचा टोलका ३५ वरर्षीय युवकले गएराति झुन्डिएर आत्माहत्या गरेका हुन् । इलाका प्रहरी कार्यालय माडीका प्रमुख झलक पौडेलका अनुसार युवक घर पछाडिको गोठमा झुण्डिएर आत्महत्या गरेका छन्। उनलाई गोठमा आइसोलेनसमा राखिएको थियो ।

तीन दिन अघि मात्रै कोरोना पोजेटिभ देखिएका उनी यही वैशाख १२ गते भारतमा भएको भान्जीको बिहेमा सहभागी भएर १३ गते माडी फर्किएका थिए ।

घटनाबारे जानकारी पाएपछि अहिले माडी नगरपालिकाका प्रमुख, इलाका प्रहरी कार्यालयका प्रमुख, स्वास्थ्य कार्यालयका प्रतिनिधिसहित शवको पोष्टमार्टम एवम् व्यवस्थापनबारे छलफल भैरहेको पौडेलले दिएको जानकारी दिए ।

कर्पाेरेट बजार

प्रकाशित समय : ०४:०६ बजे