back

सरकारलाई सबैभन्दा बढी कर तिर्ने बैंक बन्यो ग्लोबल आइएमई

काठमाडौँ । देशको सबैभन्दा ठूलो बैंक ग्लोबल आइएमई बैंक लिमिटेड नामजस्तै वाणिज्य बैंकहरुमध्ये सबैभन्दा बढी कर तिर्ने बैंक बनेको छ । राज्यको नीति मर्जर तथा एक्वाएरको पर्यायवाची बनेको बैंकले गत आर्थिक वर्षमा सरकारलाई सबैभन्दा बढी कर तिरेको हो ।

आर्थिक वर्ष २०७९/८० को असार मसान्तसम्म दाखिला भएको करको आधारमा ग्लोबल आइएमई बैंक पहिलो नम्बरमा परेको हो । बैंकले गत आर्थिक वर्ष २०७९/८० मा ५ अर्ब ४३ करोड ४४ लाख रुपैयाँ कर तिरेको छ ।

यतिबेला मर्जरमा गएका अधिकाँश बैंकहरुको अवस्था सन्तोजनक अवस्थामा देखिएको छैन । मर्जरपछि अधिकांश बैंकहरुले नकारात्मक प्रदर्शन गर्दा यो बैंकको नतिजा भने सन्तोषजनक छ ।

सञ्चालक समिति तथा व्यवस्थापनले सहजरुपमा मर्जरलाई व्यवस्थापन गर्दै जाँदा अधिकांश वित्तीय सूचकहरुमा प्रतिष्पर्धी बैंकभन्दा राम्रो नतिजा ल्याउन सफल भएको बैंकको दाबी छ । बैंकले हरेक मर्जरको सरल र सहज व्यवस्थापन गर्दै उत्कृष्ट प्रदर्शन गरिरहेको दाबी गरेको हो । नेपाल उद्योग वाणिज्य महासंघका अध्यक्ष चन्द्रप्रसाद ढकाल यस बैंकको सञ्चालक समितिका अध्यक्ष हुन् । यसैगरी बैंकको प्रमुख कार्यकारी अधिकृत रत्नराज बज्रचार्य छन् ।

‘सबैका लागि बैंक’ भन्ने नारालाई आत्मसाथ गरेको यो बैंकले स्थापनाको छोटो समयमै आफूलाई एक उत्कृट, सबल र विश्वसनीय बैंककोरुपमा स्थापित गरेको हो । कूल पुँजी तथा चुक्ता पुँजीका आधारमा ग्लोबल आइएमई बैंक नेपालको सबैभन्दा ठूलो बैंक हो । हाल यस बैंकको कूल पुँजी ५८ अर्ब ६८ करोड रुपैयाँ छ भने यसको चुक्ता पुँजी ३५ अर्ब ७७ करोड रुपैयाँ रहेको छ । बैंकले गत आर्थिक वर्षमा ७ अर्ब २५ करोड रुपैयाँ नाफा आर्जन गरेको थियो ।

२१ वटा बैंक तथा वित्तीय संस्थाहरुको मर्जर तथा एक्विजिसनबाट बनेको यो बैंक नेपाल सरकार तथा नेपाल राष्ट्र बैंकको ठूला, सबल र उत्कृष्ट बैंकिङ्ग प्रणाली विकास गर्ने योजना कार्यान्वयनमा पनि सधै अग्रस्थानमा रह्यो । केही वर्ष अगाडि बैंकले जनता बैंकलाई गाभेको थियो । गतवर्ष बैंक अफ काठमाण्डू ग्लोबल आइएमइमा गाभिएको थियो ।

यतिमात्रै होइन ग्लोबल आइएमई मुलुकका ७७ वटै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो । बैंकका ३५९ शाखा कार्यालय, ३६२ एटिएम, ३२२ शाखारहित बैंकिङ्ग सेवा, ६४ एक्सटेन्सन तथा राजश्व संकलन काउन्टर रहेका छन् ।

मुलुकभित्र मात्र नभई मुलुक बाहिर पनि यस बैंकले वैदेशिक प्रतिनिधि कार्यालय र अन्य बैंक तथा वित्तीय संस्थाहरुसँग साझेदारी गर्दै आफ्ना ग्राहकहरुलाई उत्कृष्ट सेवा दिँदै आएको छ । बैंकका बेलायतको लण्डन, भारतको नयाँ दिल्ली र अष्ट्रेलियाको सिड्नीमा गरी ३ वटा बैदेशिक सम्पर्क कार्यालयहरु रहेका छन् ।

यसरी बैंकले १,१०० भन्दा बढी सेवा केन्द्रबाट ४० लाख भन्दा बढी ग्राहकहरूमाझ सेवा प्रदान गरिरहेको छ । ग्लोबल आइएमई बैंकमा ४ हजार बढी कर्मचारी रहेका छन् ।

 


ग्लोबल आइएमई बैंकका ग्राहकलाई होटेल आइकावा इनमा १५ प्रतिशत छुट

ग्लोबल आइएमई बैंकका ग्राहकलाई होटेल आइकावा इनमा १५ प्रतिशत छुट

वि.सं.२०८१ जेठ ३२ शुक्रवार १५:३७

काठमाडौँ । ग्लोबल आइएमई बैंक लिमिटेड र होटेल आइकावा इन...

ग्लोबल आइएमई बैंक डिल्लीबजार शाखाद्वारा वित्तीय तथा डिजिटल बैंकिङ्ग साक्षरता कार्यक्रम आयोजना

ग्लोबल आइएमई बैंक डिल्लीबजार शाखाद्वारा वित्तीय तथा डिजिटल बैंकिङ्ग साक्षरता कार्यक्रम आयोजना

वि.सं.२०८१ जेठ ३२ शुक्रवार १४:०४

काठमाडौँ । ग्लोबल आइएमई बैंक लिमिटेड डिल्लीबजार शाखाद्वारा वित्तीय तथा...

ग्लोबल आइएमई बैंकद्वारा अधिकांस बैंकिङ सेवाहरु अनलाइनबाटै प्रदान गर्ने गरी “डिजिटल युनिभर्स” सञ्चालनमा

ग्लोबल आइएमई बैंकद्वारा अधिकांस बैंकिङ सेवाहरु अनलाइनबाटै प्रदान गर्ने गरी “डिजिटल युनिभर्स” सञ्चालनमा

वि.सं.२०८१ जेठ २९ मंगलवार १६:१९

काठमाण्डौं । ग्लोबल आइएमई बैंक लिमिटेडले अधिकांस बैंकिङ सेवाहरु बैंकको...

बझाङमा विद्यालय भवन निर्माणका लागि मुक्तिनाथ विकास बैंक द्वारा सहयोग

बझाङमा विद्यालय भवन निर्माणका लागि मुक्तिनाथ विकास बैंक द्वारा सहयोग

वि.सं.२०८१ जेठ २९ मंगलवार १३:०९

काठमाडौं । मुक्तिनाथ विकास बैंकले बझाङमा विद्यालय भवन निर्माणका लागि...

बैंक ब्याजदर निरन्तर सस्तिँदै, कर्जाको ब्याजदर २.३१ प्रतिशत बिन्दुले घट्यो,कुन बैंकको कति कति छ ब्याजदर ?

बैंक ब्याजदर निरन्तर सस्तिँदै, कर्जाको ब्याजदर २.३१ प्रतिशत बिन्दुले घट्यो,कुन बैंकको कति कति छ ब्याजदर ?

वि.सं.२०८१ जेठ २९ मंगलवार १३:०६

काठमाडौं । बैंकहरुको कर्जाको ब्याजदर निरन्तर सस्तिँदै गएको छ ।...

प्राइम कमर्सियल बैंकका ग्राहकलाई बरपिपल रेसोर्टमा बिशेष छुट

प्राइम कमर्सियल बैंकका ग्राहकलाई बरपिपल रेसोर्टमा बिशेष छुट

वि.सं.२०८१ जेठ २८ सोमवार १३:२१

काठमाडौं । बरपिपल रेसोर्ट प्रा . लि. र प्राइम कमर्सियल...