काठमाडौं । नेपाल लाइफ इन्स्योरेन्स कम्पनीले एकल बीमालेखको बिक्री बन्द गरेको छ । कम्पनीले ‘जीवन ज्योति बीमालेख’ अन्तर्गत एकल बीमा शुल्क तिर्ने गरी जारी हुने सबै अवधिका जीवन बीमालेखहरु प्राविधिक कारणले बैशाख १२ गतेदेखि बन्द गरिएको जनाएको हो ।

उद्यपी बीमा समितिले केहि समय अगाडि एकल बीमालेखमा कडाइ गरेको थियो । एकल बीमालेख जारी भएको तीन वर्षसम्म सरेण्डर गर्न नपाइने तथा तीन वर्षसम्म यस्ता पोलिसी धितोमा राखेर कर्जा प्रवाह गर्न नपाउने भन्दै निर्देशन दिएको थियो । यसैको प्रभाव स्वरुप नेपाल लाईफले यो निर्णय लिएको हुनसक्छ ।

एकल बीमालेखमा धेरै नै विकृति देखिए पछि समितिले बाध्य भएर कडाइ गरेको थियो । कम्पनीहरुले एकल बीमा लेखलाई टार्गेट पुरा गर्ने सजिलो माध्यमको रुपमा प्रयोग गर्दै आएका थिए । अभिकर्ता र कम्पनीका कर्मचारीरुले आफुलाई दिएको टार्गेट पुरा गर्न यस्ता बीमालेख बिक्री गर्ने गरेका थिए । टार्गेट पुरा गर्न नक्कली बीमालेख बिक्री गर्ने र एक वर्ष पछि सरेण्डर गराउने चलन बढेको थियो । तर यस्ता पोलिसीमा धेरै नै घाटा हुन थाले पछि कम्पनीहरुको बोनसदरमा ठुलो प्रभाव पारिरहेको छ । केहि वर्ष टार्गेट पुरा गर्ने हतियार बने पनि एक्चुरियल मूल्याङ्कन पछि पुर्ण रुपमा घाटा देखिने वित्तीकै कम्पनीको बोनसदर राम्रो देखिदैन । बोनसले कम्पनीको व्यवसायमा दिर्घकालिन प्रभाव पर्ने गर्छ ।

कर्पाेरेट बजार

प्रकाशित समय : ०६:४८ बजे