काठमाडौं – महालक्ष्मी विकास बैंकको प्रमुख कार्यकारी अधिकृत (सिइओ) को जिम्मेवारी बोधराज देवकोटाले पाएका छन् ।

बैंक सञ्चालक समितिको आइतबार बसेको बैठकले देवकोटालाई सिइओमा नियुक्त गरेको हो ।

वि.सं. २०७६ बैशाख १ गतेदेखि सिटिजन्स बैंकमा डेपुटी सिइओको रूपमा कार्यरत थिए भने सिटिजन्स अघि उनी नेपाल बैंकमा कार्यरत थिए । 

बैंकिङ क्षेत्रमा २५ वर्षदेखि सक्रिय उनले महालक्ष्मीमा सिइओको जिम्मेवारी पाउने तय भएसँगै दुई साताअघि चैत १ गतेदेखि लागू हुनेगरी सिटिजन्स बैंक छाडेका थिए । उनीसँग करिब २ दशक बैंकिङ क्षेत्रमा काम गरेको अनुभव छ ।