काठमाडौं । निसान म्याग्नाइट सीएनजी भेरियन्टका एसयूभीहरु हालै भारतीय बजारमा सार्वजनिक भएका छन् । निसान म्याग्नाईट सीएनजी अब एएमटी(स्वचालित म्यानुअल ट्रान्समिसन) समावेश एसयूभीको सुरुवाती मूल्य ६.८९ भारतीय रुपैयाँमा बिक्रीका लागि उपलब्ध गराइएको हो ।

निसान इन्डियाका अनुसार, सीएनजी एएमटी एसेन्टा, एन कनेक्टा, टेकना र टेकना प्लस भेरियन्टका गाडीहरु सार्वजनिक गरिएको हो । जसको मूल्य क्रमशः ७.८९ लाख, ८.५१ लाख, ९.३८ लाख र ९.७० लाख भारतीय रुपैयाँ सुरुवाती मूल्यमा शोरुमहरुमा उपलव्ध छन् । म्याग्नाइट सीएनजीले ७२ बीएचपी, १.० लिटर प्राकृतिक रुपमा एस्पिरेटेड पेट्रोल इन्जिन प्रयोग गर्दछ । जसमा रेट्रो–फिट सीएनजी किट समावेश छ ।

निसाको म्याग्नाइट सीएनजी एसयूभी पूर्ण कालो क्याबिन, कालो र चाँदीको फिनिसिङमा निर्मित स्टेयरिङ ह्रील र ड्यासबोर्ड, ढोका प्याड र सिट अपहोल्स्ट्रीको लागि डुअल टोन कपर र कालो लेआउट जस्ता महत्वपूर्ण फिचर छन् ।