काठमाडौं । साताको दोस्रो कारोबार दिन शेयर बजार दोहोरो अंकले बढेको छ ।

नेपाल स्टक एक्स्चेञ्ज (नेप्से) परिसूचक ४९.१२ अंकले बढेर २६४०.६८ को बिन्दुमा पुगेर बजार बन्द भएको हो ।

सोमबार सबै उपसूचकहरु हरीयाली भएका छन् । आज ३१२ कम्पनीको १ अर्ब ५४ हजार ६१ सय २ सय ६४ कित्ता शेयर किनबेच हुँदा ६ अर्ब ३० करोड ५४ लाख ३१ हजार ८ सय ५४ रुपैयाँ बराबरको कारोबार भएको छ ।

आज २२६ कम्पनीको शेयर मूल्य बढ्दा १२ कम्पनीको शेयर मूल्य घटेको छ भने ४ कम्पनीको शेयर मल्य स्थिर रहेको छ ।

त्यस्तै एनआएन इन्फ्रास्ट्रक्चर डेभलपमेन्टको सर्वाधिक कारोबरा भएको छ । कम्पनीको २९ करोड ९ लाख रुपैयाँ बढी संकलन भएको छ । कम्पनीको शेयर प्रतिकित्ता १ हजार ९० रुपैयाँ रहेको छ ।

सुपर मादी हाइड्रोपावरको शेयरमूल्य साढे ९ प्रतिशतभन्दा बढी बढेको छ भने साहस उर्जा र माया खोला हाइड्रोपावरको शेयरमूल्य साढे ८ प्रतिशतभन्दा बढी बढेको छ।

उपकार लघुवित्त वित्तीय संस्था र सामुदायिक लघुवित्त वित्तीय संस्थाको शेयर नकारात्मक सर्किट लेभलमा कारोबार भएको छ।

कारोबार रकमका आधारमा यस दिन एनआरएन इन्फ्रास्ट्रक्चर एण्ड डेभलपमेन्ट शीर्ष स्थानमा रहेको छ। सो कम्पनीको यस दिन २९ करोड ९ लाख रुपैयाँबराबरको शेयर खरिदबिक्री भएको छ।

त्यस्तै, आज साहस उर्जा र पिपुल्स हाइड्रोपावर कम्पनीको साढे १३ करोडभन्दा बढीको शेयर कारोबार भएको छ भने दोल्ती पावर कम्पनीको १२ करोडभन्दा बढीको शेयर किनबेच भएको छ।

विकास बैंक, होटल तथा पर्यटन र जीवन बीमा उपसमूहको परिसूचक २ प्रतिशतभन्दा बढी बढेको छ। यस दिन बैंकिङ्ग, वित्त, उत्पादन तथा प्रशोधन, निर्जीवन बीमा र अन्य उपसमूहको परिसूचक १ प्रतिशतभन्दा बढी बढेको छ।