काठमाडौं । बुधबार शेयर बजारको परिसूचक नेप्से १४.१२ अंकले घटेर २७३४८३ विन्दुमा झरेको छ। आज बजारको अंक घट्दा कारोबार रकम केही बढेको छ ।

अघिल्लो दिन ७ अर्ब ८५ करोडको कारोबार भएकोमा आज ७ अर्ब ९१ करोड कारोबार भएको छ ।

आज ९९ कम्पनीको मूल्य बढ्दा १३८ को घट्यो भने ७ को स्थिर रह्यो । फाइनान्समा लगानीकर्ताको आकर्षण देखिएको छ ।

हाइड्रोपावरको शेयरमूल्य साढे ९ प्रतिशतभन्दा बढी बढेको छ भने सपोर्ट माइक्रोफाइनान्स र जानकी फाइनान्सको शेयरमूल्य ९ प्रतिशतभन्दा बढी बढेको छ। यस दिन कुथेली बुखरी स्मल हाइड्रोपावरको शेयर भने नकारात्मक सर्किट लेभलमा कारोबार भएको छ।

कारोबार रकमका आधारमा आज जानकी फाइनान्स शीर्ष स्थानमा रहेको छ। सो फाइनान्सको आज ३३ करोड ८६ लाख रुपैयाँ बराबरको शेयर खरिदबिक्री भएको छ।

त्यसैगरी, पोखरा फाइनान्सको करिब २६ करोडको शेयर कारोबार भएको छ भने सप्तकोशी डेभलपमेन्ट बैंकको साढे २५ करोडको शेयर किनबेच भएको छ।

१३ उपसमूहमध्ये ४ उपसमूहको परिसूचक बढेको छ भने ९ उपसमूहको परिसूचक घटेको छ। वित्त उपसमूहको परिसूचक सर्वाधिक ४.२० प्रतिशत बढेको छ।

त्यस्तै, विकास बैंक उपसमूहको परिसूचक करिब साढे १ प्रतिशत बढेको छ। बैंकिङ्ग, लगानी, जीवन बीमा, निर्जीवन बीमा र व्यापार उपसमूहको परिसूचक १ प्रतिशतभन्दा बढी घटेको छ।