काठमाडौं । चितवनको भरतपुरस्थित डिप्रोक्स लघुवित्त वित्तीय संस्था लिमिटेडले ऋण लिएकाको हकमा ३५ दिने सूचना जारी गरेको छ ।

लघुवित्तले ऋण लिएर नर्तिने ऋणीहरूको नाममा ३५ दिनभित्र कर्जा चुक्ता गर्न आउन सूचना जारी गरिएको हो ।

संस्थाले १२७ ऋणीको नाममा सूचना जारी गरेको छ । संस्थासँग सम्झौताअनुसार कर्जा रकमको साँवा र ब्याजको रकम नियमित रुपमा भुक्तान गर्न पटक पटक मौखिक तथा लिखित जानकारी गराउँदा पनि भुक्तानी गर्न नआएको भन्दै ऋणीहरूको नाममा सूचना जारी गरिएको छ ।

सूचना जारी भएपछि पनि अटेर गरी कर्जा रकमको साँवा र ब्याजवापतको रकम भुक्तान नगर्ने ऋणीको असल अचल सम्पति बैंक तथा वित्तीय संस्था सम्बन्धी ऐन २०७३ अनुसार असुल उपर गरिने पनि उक्त संस्थाले सूचनामा उल्लेख गरेको छ ।