अर्थतन्त्रमा सुधारको संकेत देखिएको छ : राजश्व सचिव
वि.सं.२०८० माघ ११ बिहीवार
काठमाडौँ । राजश्व सचिव रामप्रसाद घिमिरेले अर्थतन्त्रमा सुधारको संकेत देखिन थालेको बताएका छन् ।
नेपाल चेम्बर अफ कमर्सले ७२औँ अन्तर्राष्ट्रिय भन्सार दिवसको अवसरमा आयोजना गरेको कार्यक्रममा सचिव घिमिरेले अर्थतन्त्रमासुधारको संकेत देखिन थालेको बताएका हुन् ।
उनले दिनमा देशको अर्थतन्त्रलाई व्यापारमूखीबाट उत्पादनमुखीमा लैजानेगरी अर्थ मन्त्रालयले काम गरिरहेको समेत बताए ।
यसका लागि काम भइरहेको बताउँदै सचिव घिमिरेले निजी क्षेत्रको साथ र सहयोग पाएमा देशको अर्थतन्त्रलाई उत्पादनमुखी बनाउनसहज हुने समेत बताए ।
चेम्बरका अध्यक्ष राजेन्द्र मल्लले ७२औँ भन्सार दिवसको अवसरमा बोल्दै भन्सारमा सन्दर्भ मूल्यभन्दा पनि कारोबार मूल्यलाई मान्यतादिनुपर्नेमा जोड दिए ।
भन्सार प्रशासन सुधार गरे मात्रै राजश्वमा सुधार आउने मल्लको भनाई छ । व्यापार घाटा न्यूनीकरणका लागि निर्यातयोग्य बस्तुहरुकोपहिचान र प्रवर्द्धन गर्नुपर्नेमा अध्यक्ष मल्लले जोड दिए ।
नेपालको खुला सीमाका कारण चोरी पैठारी बढिरहेको र यसको नियन्त्रणका लागि भन्सार प्रशासन चनाखो हुनुपर्ने मल्लले बताए ।यस्तै, चेम्बरले सोक्रममा विभागका निर्देशक हरिहर पौडेललाई सम्मान गरेको छ ।
भन्सार विभागमा रहेर उत्कृष्ट सेवा गरेको भन्दै चेम्बरले निर्देशक पौडेललाई सम्मान गरेको जनाएको छ ।
प्रकाशित समय : १६:२४ बजे
