महिला लघुवित्तको शेयर मूल्य समायोजन
वि.सं.२०७८ मंसिर १६ बिहीवार
काठमाडौँ । नेपाल स्टक एक्सचेन्ज नेप्सेमा महिला लघुवित्तको शेयर मूल्य समायोजन भएको छ । कम्पनीको ४७।५० प्रतिशत बोनसमा मूल्य समायोजन भएको हो ।
समायोजनपछि कम्पनीको शेयर मूल्य प्रति कित्ता ३६५८.९८ रुपैयाँ कायम भएको छ । समायोजनअघि कम्पनीको शेयर मूल्य प्रति कित्ता ५३९७ रुपैयाँ थियो ।
कम्पनीले साधारणसभा प्रयोजनको लागि आज मङ्सिर १६ गते बुक क्लोज गर्ने निर्णय गरेकोले आज मूल्य समायोजन भएको हो । मंसिर १५ गते बुधबारसम्म नेप्सेमा शेयर कारोबार भई कायम भएका शेयरधनीले मात्रै सभामा भाग लिन र लाभांश पाउने छन् ।
कम्पनीले मंसिर २२ गते साधारणसभा आह्वान गरेको छ । सभाले सञ्चालक समितिको बैठकले प्रस्ताव गरे अनुरुप आर्थिक वर्ष २०७७।७८ को नाफाबाट चुक्ता पूँजीको ४७.५० प्रतिशत बोनस र कर प्रयोजनका लागि २.५० प्रतिशत नगद गरी कुल ५० प्रतिशत लाभांश वितरण गर्ने प्रस्ताव अनुमोदन गर्नेछ ।
प्रकाशित समय : १२:२० बजे
