काठमाडौं । साताको पहिलो कारोबार दिन नेप्से परिसूचक घटेर बन्द भएको छ।  आइतबार नेप्से परिसूचक १३.०३ अंक घटेर २६६७.४० विन्दुमा बन्दा भएको छ ।

त्यस्तै, आज सेन्सेटिभ इण्डेक्स १.७६ अंक घटेको छ भने फ्लोट इण्डेक्स ०.९४ अंक र सेन्सेटिभ फ्लोट इण्डेक्स ०.५५ अंक घटेको छ।

नेप्सेसँगै आज कारोबार रकम पनि घटेको छ। आज १ करोड ५२ लाख ७० हजार कित्ता शेयर खरिदबिक्री भएको छ।

आज थ्रिस्टार हाइड्रोपावरको शेयरमूल्य सर्वाधिक ९.९१ प्रतिशत बढेको छ। त्यस्तै, आज ङादी ग्रुप पावरको शेयरमूल्य साढे ९ प्रतिशतभन्दा बढी छ ।

कारोबारमा आएको सेञ्चुरी डिबेञ्चर २०८८ को मूल्य सर्वाधिक ७.७५ प्रतिशत घटेको छ भने महुली लघुवित्त वित्तीय संस्थाको शेयरमूल्य करिब साढे ६ प्रतिशत घटेको छ । त्यसैगरी, नारायणी डेभलपमेन्ट बैंकको शेयरमूल्य करिब ६ प्रतिशत बढेको छ।

कारोबार रकमका आधारमा आज जानकी फाइनान्स शीर्ष स्थानमा रहेको छ। सो फाइनान्सको यस दिन ६० करोड ८७ लाख ३६ हजार रुपैयाँ बराबरको शेयर कारोबार भएको छ। त्यस्तै, एनआरएन इन्फ्रास्ट्रक्चर एण्ड डेभलमेन्टको ४० करोडभन्दा बढीको शेयर किनबेच भएको छ भने ङादी ग्रुप पावरको ३६ करोडभन्दा बढीको शेयर खरिदबिक्री भएको छ।

१३ उपसमूहमध्ये यस दिन दुई उपसमूहको परिसूचक बढेको छ भने ११ उपसमूहको परिसूचक घटेको छ।