बुधबार शेयर बजारमा सामान्य सुधार, कारोबार ५ अर्ब माथि
वि.सं.२०८१ माघ २ बुधवार
काठमाडौं। साताको चौथो कारोबार दिन शेयर बजार सामान्य अंकले बढेको छ ।
बजारमा सुधारको गति झिनो भए पनि कारोबारको मात्रा सन्तोषजनक रह्यो, जसले बजारका लगानीकर्तालाई उत्साहित पारेको छ ।
नेपाल स्टक एक्सचेञ्ज (नेप्से) १.८३ अकंले बढेर २५९५.९६ बिन्दुमा रोकिएको छ । आज २९९ कम्पनीको १ करोड ७ लाख ४५ हजार कित्ता शेयर किनबेच हुँदा ५ अर्ब ८२ करोड ४९ लाख रुपैयाँको शेयर कारोबार भएको छ ।
आज ७ कम्पनीको शेयरमा हरियाली आएको छ । आज एनआरएन इन्फ्रास्ट्रक्चर एण्ड डेभलपमेन्टको सबैभन्दा धेरै कारोबार भएको छ । कम्पनीको ३२ करोड ४९ लाख बढी संकलन भएको छ ।
बुधबार १ कम्पनीको शेयर मूल्यमा सकारात्मक सर्किट लागेको छ भने १ कम्पनीको सेयर मूल्यमा नकारात्मक सर्किट लागेको छ ।
प्रकाशित समय : १५:२५ बजे
