एनएलजी इन्सुरेन्सको हकप्रद शेयरमा दरखास्त दिने समय थप
वि.सं.२०८१ पुस १ सोमवार
काठमाडौं । एनएलजी इन्सुरेन्सले हकप्रद शेयरमा आवेदन दिने म्याद थप गरेको छ ।
कम्पनीले आज पुस १ गतेसम्म हकप्रद शेयरमा आवेदन दिन सकिने जनाएको थियो । तर, उक्त समयमा मागअनुसार आवेदन नपरेकाले कम्पनीले हकप्रद शेयरमा आवेदन दिने समय थप गरेको हो । कम्पनीले अब पुस १६ गतेसम्म आवेदन दिन सकिने जनाएको छ ।
कम्पनीले मंसिर ११ गतेदेखि ६२.५६ प्रतिशत हकप्रद शेयर खुला गरेका हो । कम्पनीले १०ः ६.२५६ अनुपातमा ९६ लाख ३१ हजार २२०.२२ कित्ता हकप्रद शेयर निष्कासन गरेको हो । यस अनुसार १ सय अंकित मूल्यमा ९६ करोड ३१ लाख २२ हजार २२ सय रुपैयाँ बराबरको हकप्रद शेयर खुला भएको हो ।
हकप्रद शेयरका लागि कम्पनीले कात्तिक २७ गते बुक क्लोज गरेको थियो । तसर्थ, कार्तिक २६ गतेसम्म कायम रहेका लगानीकर्ताले हकप्रद शेयरको दाबी गर्न पाउनेछन् ।
यस हकप्रद शेयरको बिक्री प्रबन्धकको काम लक्ष्मी सनराइज क्यापिटलले गरेको छ ।
प्रकाशित समय : ११:३१ बजे
