माथिल्लो मैलुङ्ग खोला जलविद्युतले पुस २५ गते बोलायो साधारण सभा
वि.सं.२०८१ मंसिर २१ शुक्रवार
काठमाडौं । माथिल्लो मैलुङ्ग खोला जलविद्युत लिमिटेडले पुस २५ गते साधारण सभा बोलाएको छ।
कम्पनीले सेलीब्रेसन हाईटस्, काठमाडौँ–४, सुकेधारामा एघारौँ वार्षिक साधारण सभा बोलाएको हो। सो सभा बिहान ११ बजे शुरु हुनेछ।
सभाले मर्जर तथा एक्विजिशनसम्बन्धि कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पारित गर्ने जनाएको छ।
साधारण सभा तथा लाभांश वितरण प्रयोजनार्थ कम्पनीले पुस १२ गते एक दिनका लागि बुकक्लोज गर्ने भएको छ। यस अनुसार पुस ११ गतेसम्म नेप्सेमा कारोबार भइ कायम शेयरधनीहरूले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्ने छन्।
प्रकाशित समय : ११:२२ बजे
