काठमाडौं । साताको तेस्रो कारोबार दिन शेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) परिसुचक ५४.९४ अंकले घटेर २६९८.८२ को बिन्दुमा पुगेर बजार बन्द भएको छ ।

मंगलबार ३०९ कम्पनीको कारोबार हुँदा २ करोड ५ लाख २६ हजार ९ सय २२ कित्ता सेयर किनबेच हुँदा ९ अर्ब ४६ करोड १४ लाख ७ हजार रुपैयाँ बराबरको कारोबार भएको छ ।

मंगलबार ङादी ग्रुप पावर कम्पनीको सर्वाधिक कारोबार भएको छ । कम्पनीको ४३ करोड ८९ लाख ८८ हजार रुपैयाँ बढी संकलन भएको छ । कम्पनीको शेयर प्रतिकित्ता ५ सय १९ रुपैयाँ पुगेको छ ।

मंगलबार १४ कम्पनीको शेयर मूल्य बढ्दा २२९ कम्पनीको शेयर मुल्य घटेको छ भने २ कम्पनीको शेयर मूल्य स्थिर रहेको छ ।

कारोबार रकमका आधारमा आज ङादी ग्रुप पावर शीर्ष स्थानमा रहेको छ। सो कम्पनीको यस दिन ४६ करोड ६८ लाख रुपैयाँ बराबरको शेयर खरिदबिक्री भएको छ। त्यस्तै, आज समृद्धि फाइनान्सको २९ करोडभन्दा बढीको शेयर कारोबार भएको छ भने पोखरा फाइनान्सको करिब २५ करोडको शेयर किनबेच भएको छ।

आज १३ वटै उपसमूहको परिसूचक घटेको छ। जसमध्ये होटल तथा पर्यटन उपसमूहको परिसूचक सर्वाधिक ३.१७ प्रतिशत घटेको छ।

त्यस्तै, आज हाइड्रोपावर उपसमूहको परिसूचक ३ प्रतिशतभन्दा बढी घटेको छ भने विकास बैंक, वित्त, लगानी र व्यापार उपसमूहको परिसूचक २ प्रतिशतभन्दा बढी घटेको छ।