काठमाडौँ । मंगलबार पनि सेयर बजारमा भारी गिरावट आएको छ । मंगलबार नेप्से १११.९६ अंकले घटेर २७८२.६० विन्दुमा पुगेको छ । मंगलबार ३३० कम्पनिको कूल ४ करोड ३८ लाख ६८ हजार ९७० कित्ता सेयर २ लाख ३४ हजार ३६० पटक कारोबार हुँदा १८ अर्ब ६४ करोड ९५ लाख ३३ हजार १७० मूल्यमा खरिद बिक्री भएका छन् ।

२० कम्पनीको मूल्य बढ्दा २२३ को घट्यो भने एउटाको स्थिर रह्यो । कुल १३ उपसमूहमध्ये होटल तथा पर्यटन समूह बाहेक अन्य सूचक राताम्य बनेको छ ।

यस दिन तीन कम्पनी तारागाउँ रिजेन्सी, आत्मनिर्भर लघुवित्त, दोल्ती पावरको मूल्य १० प्रतिशत बढ्यो । थ्रीस्टार हाइड्रोपावरको ९.८, कर्णाली विकास बैंकको ९.४, विन नेपाल लघुवित्तको ६.९ प्रतिशत मूल्य बढ्यो ।

त्यस्तै, आज कारोबारको हिसाबले सबैभन्दा बढी हिमालयन रि इन्सुरेन्सको ६५ करोड ४२ लाख ९ हजार ५८२ को रकम बराबरीको खरिद बिक्रि भएको छ भने आज अपिको सबैभन्दा बढी १४ लाख ५९ हजार ४५० कित्ता सेयर कारोबार भएको छ ।नेपाल फाइनान्सको मूल्य १० प्रतिशत घटेको छ ।