अबदेखि लाइसेन्सको आवेदन इडिएल प्रणालीबाट दिन सकिने
वि.सं.२०८१ पुस २५ बिहीवार
काठमाडौं । अब सवारी चालक अनुमतिपत्र (लाइसेन्स) को आवेदन इडिएल प्रणालीबाट दिन सकिने भएको छ।
श्रम, रोजगार तथा यातायात मन्त्रालय बागमती प्रदेशले लाइसेन्सको आवेदनका लागि ‘इलेक्ट्रोनिक ड्राइभिङ लाइसेन्स’ प्रणाली लागु गर्ने भएको हो ।
लाइसेन्सको आवेदनका लागि सम्पूर्ण तयारी भइसकेको मन्त्रालयले जनाएको छ । यो प्रणाली लागु भएपछि भने भुक्तानीदेखि लाइसेन्सका लागि आवेदन अनलाइनबाटै गर्न सकिनेछ । यसरी, अब निरोगिताको प्रमाणपत्र र बायोमेट्रिकका लागि लाइनमा बस्नु नपर्ने भएको छ ।
अबको दुई सातामा नै प्रदेश अन्तर्गतका यातायात कार्यालयहरूमा इडिएल प्रणाली लागू हुनेछ । त्यसपछि भने लाइसेन्सका आवेदकहरूले सबै प्रक्रिया अनलाइनबाट गर्न सकिनेछ । त्यसका लागि राष्ट्रिय परिचयपत्रसँग लिङ्कअप गरिएको छ ।
प्रकाशित समय : १५:४४ बजे
