काठमाडौं । पूर्व बैंकर अनिलकेशरी शाह राष्ट्रिय स्वतन्त्र पार्टीमा प्रवेश गरेका छन्। बिहीबार बालाजुस्थित रास्वपाको नयाँ केन्द्रीय कार्यालयमा भएको कार्यक्रममा शाह रास्वपा प्रवेश गरेका हुन्।

रास्वपाका सभापति रवि लामिछानेले शाहलाई रास्वपाको लोगो लगाएर पार्टीमा स्वागत गरेको केन्द्रीय सदस्य दीपक बोहोराले जानकारी दिए। बिहीबार नै शाहले रास्वपाको सदस्यता लिएका छन्।

शाहलाई रास्वपाले प्रशिक्षण विभाग प्रमुखको जिम्मेवारी दिएको सभापति लामिछानेले जानकारी दिए।