काठमाडौँ । समस्याग्रस्त सहकारी व्यवस्थापन समितिले हालसम्म करिब ४ हजार बचतकर्ताको रकम फिर्ता गरेको जनाएको छ। समितिका अनुसार पूर्ण, आंशिक र बचत मिलानमार्फत ती बचतकर्ताको रकम व्यवस्थापन गरिएको हो।

समितिका अध्यक्ष डिल्लीराज आचार्यका अनुसार हाल समितिसँग ७६ हजार बचतकर्ताको करिब ४६ अर्ब रुपैयाँ फिर्ता गर्नुपर्ने दायित्व रहेको छ। उक्त दायित्व भुक्तानीका लागि सम्बन्धित सहकारीको सम्पत्ति यकिन गर्ने र उपलब्ध स्रोत परिचालन गर्ने काम तीव्र पारिएको छ।

समितिले साना बचतकर्तालाई प्राथमिकतामा राख्दै पहिलो चरणमा १० हजार रुपैयाँ वा सोभन्दा कम बचत भएका व्यक्तिको रकम फिर्ता गरिरहेको छ। यसबाहेक कार्यविधिअनुसार देहायका वर्गलाई प्राथमिकता दिइएको छ:

हालसम्म विभिन्न सहकारीबाट करिब ४२ करोड रुपैयाँ सङ्कलन भइसकेको छ, जसमध्ये कान्तिपुर सहकारीबाट मात्रै १२ करोड रुपैयाँ उठेको छ। १ करोडदेखि १२ करोड रुपैयाँसम्म सङ्कलन भएका सहकारीहरूलाई समेटेर दशैँअघि नै बचतकर्तालाई रकम वितरण गर्ने गरी समितिले योजना बनाएको छ।

विगतमा रोकिएको रकमसमेत हाल क्रमशः वितरण भइरहेको छ:

सम्पत्ति व्यवस्थापनका लागि समितिले ऋणीहरूको सम्पत्ति लिलामी प्रक्रिया अघि बढाएको छ। हालसम्म करिब ३५० वटा लालपुर्जा सङ्कलन भइसकेका छन् भने एक सम्पत्तिको लिलामी सूचना प्रकाशित भइसकेको छ।

यद्यपि, कानुनी अड्चन मुख्य चुनौती बनेको अध्यक्ष आचार्यले बताए। अदालतमा मुद्दा विचाराधीन रहेको अवस्थामा बचत फिर्ता गर्न नपाइने हालको कानुनी व्यवस्थाले समस्या सिर्जना गरेको छ। ऐन-कानुन र कार्यविधिमा सुधार गरी हरेक ६ महिनामा कम्तीमा १ अर्ब रुपैयाँभन्दा बढी सङ्कलन गरेर बचतकर्तालाई दामासाहीका आधारमा वितरण गर्ने समितिको लक्ष्य रहेको छ।