काठमाडौं । प्रभु महालक्ष्मी लाइफ इन्स्योरेन्स लिमिटेडले चालु आर्थिक वर्षको प्रथम त्रैमासिक वित्तीय विवरण सार्वजनिक गरेको छ।

सावर्जनिक भएकोविवरण अनुसार गत आवको प्रथम त्रैमासको तुलनामा चालु आवको सोही अवधिमा कम्पनीको नाफा २५.७४ प्रतिशतले वृद्धि भएको हो।

कम्पनीको खुद नाफा २५.७४ प्रतिशत वृद्धि भई १२ करोड ६२ लाख ३७ हजार रुपैयाँ कायम भएको छ । गत आवको पहिलो त्रैमासमा कम्पनीले १० करोड ३ लाख रुपैयाँ नाफा कमाएको थियो ।

समिक्षा अवधिमा कम्पनीको खुद बीमा शुल्क आर्जन ४.१८ प्रतिशत वृद्धि भई १ अर्ब १७ करोड २९ लाख ६० हजार रुपैयाँ कायम भएको छ । यस्तै, कम्पनीको कुल आम्दानी ११.६७ प्रतिशत वृद्धि भई १ अर्ब ५७ करोड ८१ लाख र कुल खर्च पनि १०.५९ प्रतिशत बढेर १ अर्ब ४५ करोड १८ लाख रुपैयाँ कायम भएको छ ।

सो अवधिमा कम्पनीको खुद दावी भुक्तानी पनि १२.२७ प्रतिशत बढेको छ । कम्पनीले समिक्षा अवधिमा १ अर्ब १५ करोड १४ लाख रुपैयाँ खुद दावी भुक्तानी दिएको छ ।

यस्तै, कम्पनीको प्रतिशेयर आम्दानी (इपिएस) पनि बढेर १०.६९ रुपैयाँ र प्रतिशेयर नेटवर्थ ११९.३४ रुपैयाँ कायम भएको छ ।

हाल कम्पनीको चुक्ता पुँजी ४ अर्ब ७२ करोड ५६ लाख छ । कम्पनीको महाविपत्ति कोषमा भने ९ करोड ६९ लाख रुपैयाँ रहेको छ ।