काठमाडौं । आज साताको पहिलो दिन शेयर बजार घटेर बन्द भएको छ ।

आज शेयर बजार नेप्से परिसूचक ९.९९ प्रतिशतले घटेर २,७३८ को विन्दुमा रोकिएको छ । आज ६३ कम्पनीको शेयर मूल्य बढेको छ भने १७८ कम्पनीको मूल्य घटेको छ ।

आज ३१४ कम्पनीको १ करोड ६७ लाख ६७ हजार १६८ कित्ता शेयर किनबेच हुँदा ८ अर्ब ८३ करोडको शेयर कारोबार भएको छ ।

बजार ओरालो लागेपनि तीन उपसूचकमा रौनक देखिएको छ । आज विकास बैंक समूहको ४.५२ प्रतिशत, होटल तथा पर्यटन समूहकोख ०.३० प्रतिशत र व्यापार समूहको ९.०७ प्रतिशतले शेयर मूल्य बढेको छ भने पाँच कम्पनीको शेयरमा सकारात्मक सर्किट लागेको हो ।