काठमाडौँ । सिवाईसी नेपाल लघुवित्तको आईपिओ निष्काशन तथा विक्रि प्रबन्धकमा ग्लोबल आइएमई क्यापिटल नियुक्त भएको छ । कम्पनी निष्काशन गर्न लागेको सेयर
बिक्रि प्रबन्धकको नियुक्ति सम्बन्धि सम्झौतामा लघुवित्तको तर्फबाट प्रबन्ध सञ्चालक डोलिन्द्र प्रसाद शर्मा र क्यापिटलको तर्फबाट नायब प्रमुख कार्यकारी अधिकृत पारग विष्टले हस्ताक्षर गरेका हुन्।

कम्पनीले सर्वसाधारण (वित्तीय संस्थाका कर्मचारी र सामुहिक लगानी कोष समेत) लाई प्रति कित्ता १००अंकित दरको ३ लाख ९५ हजार ३३५.९७०४ कित्ता साधारण शेयर सार्वजनिक गर्न लागेको हो ।

हाल संस्थाको अधिकृत पुँजी २० करोड रुपैयाँ र जारी पुँजी १२ करोड १६ लाख ४१ हजार ८ सय ३७.०४ रुपैयाँ रहेको छ । संस्थापक समुहको ६७.५० प्रतिशत शेयर रहेको यस वित्तीय संस्थामा १ वटा संस्था सहित ९९ जना संस्थापक शेयरधनीहरुबाट ८ करोड २१ लाख ८ हजार २ सय ४० रुपैयाँ बराबरको शेयरपुँजी चुक्ता भैसकेको छ ।

वित्तीय संस्थाले हाल ३७ वटा शाखा कार्यालयहरु मार्फत राष्ट्रियस्तरमा ४७ हजार भन्दा बढी विपन्न परिवारलाई समूहमा आवद्ध गरी वित्तीय सेवा दिंदै आईरहेको छ ।

२०७८ असार २५ गते प्रकाशित