काठमाडौं – मंगलबार आइएमई लाइफ इन्स्योरेन्स कम्पनी र हिमालयन एभरेष्ट  इन्स्योरेन्सको लाभांश र दोर्दी खोला जलविद्युत कम्पनीको हकप्रद शेयर सुरक्षित गर्ने अन्तिम दिन रहेको छ।

३ वटै कम्पनीले फागुन १५ गते बुक क्लोज गर्दैछन् ।

फागुन १४ गते महाशिवरात्रिको अवसरमा सरकारले सार्वजनिक बिदा दिएको छ । तसर्थ, फागुन १३ गतेसम्म कायम रहने सेयरधनीले मात्रै लाभांश र हकप्रदको दाबी गर्न सक्नेछन् ।

आइएमई लाइफ इन्स्योरेन्सले फागुन २५ गते, आइतबार, दियो महल, धुम्बाराही, काठमाडौँमा ८ औँ वार्षिक साधारण सभा बोलाएको छ। सभाले हाल कायम चुक्ता पूँजीको २१.०५२६४ प्रतिशतका दरले नगद लाभांश  वितरण गर्ने, लेखापरीक्षक नियुक्त गर्ने प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, सामाजिक उत्तरदायित्व अन्तर्गत भएका खर्चहरु अनुमोदन गर्ने लगायतका प्रस्तावहरु पारित गर्नेछ।

हिमालयन एभरेष्ट इन्स्योरेन्सले फागुन २७ गते, अनमोल ब्याङ्केट, शंखमुल, काठमाडौँमा ३१ औँ वार्षिक साधारण सभा बोलाएको छ। सभाले हाल कायम चुक्ता पूँजीको ८.७५ प्रतिशतका दरले नगद लाभांश वितरण गर्ने, लेखापरीक्षक नियुक्त गर्ने लगायतका प्रस्तावहरु पारित गर्नेछ।

दोर्दी खोला जलविद्युत कम्पनीले भने हाल कायम चुक्ता पूँजीको शतप्रतिशत हकप्रद शेयर निष्काशन प्रयोजनार्थ बुकक्लोज गर्न लागेको हो।

यस अनुसार कम्पनीले प्रतिशेयर १०० रुपैयाँ अंकित मूल्यका १ अर्ब ५ करोड ४२ लाख ६० हजार ४०० रुपैयाँबराबरको १ करोड ५ लाख ४२ हजार ६०४ कित्ता हकप्रद शेयर निष्काशन गर्नेछ।

कर्पाेरेट बजार

प्रकाशित समय : ११:३१ बजे