काठमाडौँ । ट्युनिसियाका राष्ट्रपतिले संसद निलम्बन गर्नुका साथै प्रधानमन्त्रीलाई पनि बर्खास्त गरेका छन् ।

राष्ट्रपति काइस सेइदले आइतबार यहाँका प्रधानमन्त्रीलाई बर्खास्त गरेका हुन् । त्यसलगत्तै उनले यहाँको संसद पनि निलम्बन गरेका हुन् ।

आइतबार राति उनले प्रधानमन्त्री हाइचेम मेकिचीलाई बर्खास्त गरेका थिए । राष्ट्रपति काइस सेइदले आइतबार राति यस्तो कदम चालेपछि ट्युनिसियाका राष्ट्रपतिको आधिकारिक फेसबुकमा भिडियो राखेर जानकारी दिईएको थियो । त्यसपछि यहाँको सरकारको नेतृत्व पनि उनी आफैले गरेका छन् ।

उनले अकस्मात चालको सोही कदमको घोषणामा अर्को प्रधानमन्त्री नियुक्त नगर्दासम्म आफैले सरकारको नेतृत्व गर्ने बताएका हुन् ।

त्यसैगरी यहाँको संसद पनि उनले निलम्बन गरेर सबै सांसदहरुको पद स्वतह खारेज गरेको पनि सो भिडियोमार्फत् जानकारी गराएका छन् ।आइतबार मात्र यत्यका नागरिकले यो उत्तर अफ्रिकी देशको स्वास्थ्य र आर्थिक अवस्था निकै नाजुक भएको, महामारीका बेलामा पनि सरकारले जनतालाई केही राहात र सहुलियत दिन नसकेको भन्दै सरकारका विरुद्धमा प्रदर्शन गरेका थिए ।

उनीहरुले वर्तमान सरकारलाई हटाउन र संसद पनि निलम्बन गरेर नयाँ निर्वाचनको लागि आह्वान गर्न माग गरेका थिए ।

२०७८ साउन ११ गते प्रकाशित