युगकवि सिद्धिचरण श्रेष्ठको ११० औं जन्मजयन्ती
वि.सं.२०७८ जेठ ९ आइतवार
काठमाडौँ । आज युगकवि सिद्धिचरण श्रेष्ठको ११० औं जन्मजयन्ती हो । युगकवि श्रेष्ठको जन्म विसं १९६९ साल जेठ ९ गते ओखलढुङ्गाको ओखलढुङ्गा बजारमा भएको थियो ।
स्वच्छन्दतावादी काव्यधारका प्रवर्तक सिद्धिचरण श्रेष्ठ नेपाली साहित्यमा युगकवि र नेपाल भाषामा कविरत्नका रुपमा चिनिन्छन् । युगकवि श्रेष्ठले कविता, गीत, खण्डकाव्य, नाटक, पद्यनाटक, कथा, निबन्ध, समालोचना, यात्रा संस्मरण लगायतका विधामा कलम चलाउँथे । उनको ‘मेरो प्यारो ओखलढुङ्गा’, ‘निर्झर’, ‘भीमसेन थापा’, ‘जूनकीरी’ लगायतका रचनाहरु चर्चामा छन् । त्यस्तै कविता सङ्ग्रह ‘मेरो प्रतिबिम्ब’, ‘कोपिला’, ‘कुहिरो र घाम’ लगायत, खण्डकाव्यहरु ‘उर्वशी’, ‘ज्यानमारा शैल’, ‘आँसु’ लगायतका कृति रहेका छन् ।
युगकवि श्रेष्ठको २०४९ साल जेठ २२ गते निधन भएको थियो ।
२०७८ जेठ ९ गते प्रकाशित
प्रकाशित समय : ०३:१६ बजे
